Young Lai Association rorel inkhawmpui vawi 3-na CYLA Hall-ah neih a ni

Pu J.Sangthangpuia, Central YLA President in rorel kaihruaiin, 'YLA te hi ram leh hnam tana ding kan ni a, kan ram himna turin theihtawp kan chhuah zel tur a ni. Tin, tlawmngai pawl kan nih ang takin tlawmngaihna pawh vawng nung zel turin theihtawp kan chhuah zel a ngai a ni,' tiin rorel palai kalkhawmte pawh thahnemngai taka rorel turin a chah bawk a ni.
Nimin a rorelnaah hian heng thu te hi an passed a ni :
1. Hlukhla Kut hi LADC Sorkar hian chawlhah puangin District Council Calendar-ah pawh tih lan ngei ni se.
2. LADC Area chhunga Ram neitute'n District pawn lam mite hnenah Ram hralh phal loh leh District pawn lam mite hminga Ram Pass thlak phal loh anih theihna turin hmalak ni se.
3. YLA in Ram a neihte a thlawn a Pass siam leh lei man awl kan nih theih nan thuneitute hnenah hmalak ni se.
4. YLA Dan Bu siamthat (Enlarged & Revised) ni se.

Central YLA hnuaiah hian Branch 105 awmin member 20,000 chuang an awm mek a ni. Kumin Budget atan hian Rs 2,64,300/- pawm a ni a, Rorelah hian Member 101 an kalkhawm. Rorel hi Lawngtlai-III YLA Branch ten an thleng a, chawhlui tuitak an buatsaih sak bawk a ni. YLA rorel Inkhawm hi General Conference neih loh kum ah neih thin a ni a. General Conference hi kum khat danah neih thin a ni.